COMPOSTELA VALLEY--- P5,000.00 nga financial assistance ang
gihatag sa PLGU Comval ngadto sa 15 ka mga former rebels nga kanhi mga sakop sa
Rebeldeng NPA nga misurender na sa gobyerno sa rason nga sila gusto na nga
mopuyong malinawon kauban ang ilang tagsa-tagsa ka pamilya, ug matud ni Vice
Gov. Manuel “Way KUrat” Zamora nga kini pasiuna lang sa probinsiya nga tabang
kanila samtang sila ipailalom sa pipila ka adlawng proseso aron ilang madawat
ang mas dakong tabang gikan sa National nga Gobyerno diin unang madawat sa kada
usa kanila ang P15,000.00 nga pagasundan na sad sa laing P50,000.00 nga
salaping cash.
Si Vice Gov. Zamora maoy nagrepresentar kang CLIP Committee Chair
Gov. Arturo “Chiongkee” Uy pagdawat sa 15 ka mga Former Rebels nga misurender
sa AFP aron sila atimanon sa probinsiya sulod sa pipila ka adlaw ilalom sa
“Comprehensive Local Integration Program(CLIP)” diin sila ipailalom sa usa ka
proseso nga magsangkap kanila sa kahibalo ug katakos sa panginabuhi pinaagi sa
libreng skills trainings ug sa ihatag kanila sa gobyerno nga cash assistance.
Nahitabo ang Ceremonial Turnover sa 15 ka mga Former Rebels diha
sa kapitolyo atol sa 119th Founding Anniversary sa AFP niadtong Marso 22,2016,
ug sa ilang pagbalik sa sabakan sa balaod gisurender sad nila ang pipila ka mga
high-powered firearms nga ilang dala nga adunay tugbang nga dakong kantidad nga
ihatag og dugang kanila sa gobyerno sa ingon mapaneguro ang maayong kahimtang
sa ilang pamuyo sa higayon nga sila andam na nga mobalik sa mainstream society.
Gisulti sad ni Vice Gov. Zamora nga panahon sa pipila ka adlawng
proseso ipahimutang sila sa usa ka maayong puy-anan kauban ang ilang pamilya
nga libre sa pagkaon ug uban pang inadlaw-adlaw nga mga panginahanglan ug maoy
moabaga niini ang probinsiya ilalom sa Comprehensive Local Integration Program
(CLIP).
Ang CLIP Committee gidumala ni Gov. Uy nga maoy
Chairman ug iyang mga kauban ang mga miyembro sa Committee nga sila 1001st
Brigade Commander Col. Macairog S. Alberto, PD PSSupt. Albert Ignatius D.
Fierro sa Comval PPO, ug PSWDO Chief Josephine Frasco.(gilbert cabahug/ids com)
No comments:
Post a Comment