DOH, nipasidaan batok sa heatstroke ug pagsaka sa kaso sa rabies

Nipasidaan ang Department of Health (DOH) sa publiko batok sa heat stroke ug pagsaka sa kaso sa rabies dungan sa nasinating grabeng kainit sa panahon karon sa nasod tungod sa El Niño.

Sa gipagawas nga advisory, gi-awhag sa DOH ang publiko nga magpahigayon og mga precautionary measures aron magpabiling himsog karong ting-init.

Giingong kinahanglang moinom og mas daghang tubig ug likayan ang mga outdoor activities o pagbuwad ubos sa adlaw.

Gipagawas sa DOH ang advisory human sa pasidaan sa Philippine Atmospheric, Geophysical and Astronomical Services Administration (PAGASA) sa posibleng heatwave tungod sa padayon nga pagsaka sa temperatura.

Gawas sa heatstroke, nipasidaan usab ang ahensiya sa pagsaka sa kaso sa rabies sa panahon sa ting-init.

Matag buwan sa Marso gi-obserbar ang Rabies Awareness Month.(PIA)