Nakigtagbo si Presidente Benigno S. Aquino III sa mga nag-unang opisyales sa Bureau of Customs’ (BOC) kabahin sa plano niini nga magpahigayon sa ‘random inspection’ sa mga kahon sa mga balikbayan, nga miaanig daghang batikos gikan sa mga overseas Filipino worker (OFW).
Gilayon gitawagan sa Presidente sila si Finance Secretary Cesar Purisima ug BOC Commissioner Bert Lina, aron repasohon ang maong plano sa iyang paghidangat sa Manila gikan sa Cebu, diin siya gi-interbiyu sa media.
“Ang nag-unang katuyoan niini mao nga makatabang kini sa atong kampanya batok sa ilegal nga droga,” pulong pa sa Presidente.
“Usab, atong nahibaw-an nga daghan na ang nagpayuhot sa mga bala ug pusil pinaagi sa mga padala gikan sa laing nasud,” ang Presidente nagkanayon.
“Gani adunay mga kaso nga gibungkag ang mga motorsiko, kanang gitawag nga mga ‘big bikes’ nga gisulod sa lain-laing karton aron lamang makalikay pagbayad sa buhis,” pasabut sa Presidente. (PIA)
No comments:
Post a Comment