CHED mihangyo sa eskwelahan sa kolehiyo dili pasagdang mahanaw ang ‘social science’

Gihangyo ni Commission on Higher Education (CHED) Chairperson Patricia Licuanan ang mga ‘higher education institution’ kun mga eskwelahan sa kolehiyo nga dili pasagdang mahanaw ang natad sa ‘social science’ sa ilang mga programa. 

Gihimo ni Licuanan ang hangyo atol sa duha ka adlaw nga ‘Asia-Pacific Economic Cooperation (APEC) High-Level Policy Dialogue on Science and Technology in Higher Education,’ nga gipahigayon sa Philippine International Convention Center (PICC), bag-ohay pa lamang.

Matud pa ni Licuanan, gumikan sa kakulang sa panudlanan ug sa ‘K to 12 basic education program,’ pipila sa mga unibersidad sa Pilipinas ang mipakunhod sa ilang mga programa, lakip na sa mga importanteng departamento nga nahimong biktima sa mga kausaban nga ilang gipatuman.

Adunay disiplina ug ‘academic training,’ ang mga trabahanteng Filipino nga dali ra kaayong maka ‘adjust,’ busa nagustuhan sila kaayo sa mga langyaw sa mga dapit nga ilang gitrabahoan, pulong pa sa CHED Chairperson.

Ang mga delegado gikan sa mga nasud sa APEC ang nagtigum sa meeting at the PICC alang sa nasangpit nga ‘dialogue.’ (PIA)