Palasyo wala nabalaka sa ‘Zero Remittance Day’ sa mga OFWs karong biyernes

Wala naguol ang malakanyang sa gi planong ‘Zero Remittance Day’ sa mga Overseas Filipino Workers ugmang adlawa, Agosto 28, isip pag protesta batok sa mga polisiya sa Bureau of Customs (BOC) kalabot sa balikbayan boxes.

Bisan paman sa pag respeto sa mga katungod sa mga pilipinong trabahante sa gawas sa nasud, gi butyag ni Presidential Communications Secretary Sonny Coloma Jr. nga ang maong lihuk ang wala gi touhang maka apekto sa ekonomiya sa nasud susama sa nahitabo niadtong tuig 2013, asa ang mga OFWs ang nagbuhat sa susamang lihuk isip pag protesta sa DAP ug PDAF.

Gi bakwi na ni presidente Aquino ang random inspection sa mga balikbayan boxes apan ang Migrante International ang nag butyag nga ipadayon nila ang ‘Zero Remittance Day’ batok sa P600-million nga gi target nga makolektang buhis gikan sa balikbayan boxes. (etf/PIA)