Escudero gi awhag ang gobyerno nga tabangan ang mga mag uuma nga maapektuhan sa El Niño

Nanawagan si senador Francis Escudero diha sa mga ahensiya sa gobyerno sa pag andam ug alternatibong panginabuhian ug hinanaling hinabang alang sa mga mag-uuma nga maapketuhan sa El Niño karong tuiga.

Si Escudero kinsa chairman sa Senate committee on environment and natural resources, naguol nga ang Department of Agriculture (DA) ang napakyas sa pag gamit sa ilang pondo aron mapreparar ang mga mag uuma sa epekto sa El Niño.

Ang Senate finance committee ang nagpagula ug dul-an sa P5 billion nga pondo alang sa tuig 2015 para sa Department of Agriculture aron ma solusyonan ang problema sa El Niño pinaagi sa mga hinabang sama sa Small Water Impounding Project, hain gi tumong aron mapalambo ang pasilidad sa irigasyon sa pag preparer sa mga tinghulaw nga mga bulan. Apan matod ni Escudero napakyas ang DA sa pag buhat sa ilang trabaho. (etf/PIA)