Compostela Valley Province--- Karong tuiga gitrabaho na ang mokabat walo ka mga proyektong imprastura ug road upgrading gamit ang pundo nga P296 Milyones nga gibubo gihapon sa Comval ni Pangulong Benigno S. Aquino–III pinaagi sa sa Department of Tourism(DOT) ug sa Department of Public Works and Highways ubos sa Tourism Road Infrasture Program sa Pangulo.
Gisulti ni Senior Tourism Officer Christine Dompor nga niadtong milabayng 2014 naaprobahan sa Tourism Infrastructure Enterprise Zone Authority (TIEZA) ang gipangayong pundo sa probinsiya alang sa mokabat walo ka mga proyektong imprastraktura ug road upgrading sa mga tourist destination sites sa Comval nga kabahin sa padayong mga paningkamot sa Rebuilding ang Recovery nga hugtanong gipatuman sa liderato sa probinsiya sa pagpanguna nila ni Gov. Arturo “Chiongkee” Uy, Vice Gov. Manuel “Way Kurat” Zamora, Senior Board Member Tyron Uy, ug SP Members.
Naglangkob sa naaprobahang mga proyekto ug gitrabaho na sa 2015 ang P80 Milyones nga Road Upgrading paingon sa Tagbibinta Falls, Maragusan; ang P40 Milyones nga Road Upgrading paingon sa Marangig Water Falls sa Maragusan gihapon; ang P30 Milyones nga Road Upgrading sa White Peak, New Bataan; ang P40 Milyones nga Road Concreting sa Nabunturan Public Market and Terminal; ug ang P80 Milyones nga Road Upgrading sa Tadya Falls, New Bataan nga nadugangan na sad ug laing P51 Milyones alang sa gitinguhang completion sa proyekto.
Apil sad niining mga proyektoha ang P60 Milyones nga Mabini Circumferential Road paingon sa Beach Centers sa lungsod; ang P10 Milyones nga Camp Manuel Yan Development Phase-1 sa Mawab; ug ang P5 Milyones nga Tribal Hall and Museum sa Comval nga pagatukoron diha sa kapitolyo. (gilbert cabahug/ids comval)
No comments:
Post a Comment