Escudero gi proklama ni Poe isip ka tandem sa 2016 elections

Giproklamar ni senadora Grace Poe si senador Francis Escudero isip iyang running mate para sa  2016 national elections.

“Karong adlawa, duna na tay napili nga mahimong katimbang nato…sa katauhan ni senador Francis Escudero,” kini gibutyag ni Poe sa karong adlawa (Sept. 17) nga panagtapoktapok nga gipahigayon ngadto sa Kalayaan Hall sa Club Filipino ngadto sa Greenhills, San Juan.

Sa iyang tubag sa usa ka pamulong, mi sulti si Escudero nga: “Gidawat nako, nga dunay kaisog ug kamapaubsanon ang hagit ni Senador Grace nga mahimong katimbang niya isip bise presidente.”

Matod ni Escudero, kumpiyansa siya sa kinaiya ug katakos ni Poe. “Nagtuo ko nga isip pangulo, si senador Grace Poe o GP ang magtukod ug pang gobyerno nga dunay kasingkasing.” (etf/PIA)