Monday, September 28, 2015

Sa Comval: 105 ka barangay gihatagan sa probinsya sa bag-ong Honda XRM nga mga motorsiklo

Compostela Valley Province-105 ka bag-ong Honda XRM nga mga motorsiklo ang gipanghatag sa probinsiya ngadto sa 105 sad ka mga barangay nga maoy pasiunang hunat sa himoong pagpang apud-apod sa mokabat 250 ka mga motorsiklo nga gipalit sa probinsiya aron ipanghatag ngadto sa 250 sad ka mga barangay sa onse ka mga lungsod sa tibuok Comval Province.

Nahitabo ang pagtunol sa bag-ong mga motorsiklo atol sa Consultative Meeting diha sa kapitolyo niadtong  Sept.18, 2015 ug kauban ni Gov. Arturo “Chiongkee” Uy sa paghatag niini sila Vice Gov. Manuel “Way Kurat” Zamora, Senior Board Member Tyron Uy, Vice Mayor Mario Angelo Sotto, BM Ramil Gentugaya, BM Joseph Jaoud, BM Randy Opisan, BM Augusto Blanco Jr, ug uban pa.

Kada Motorsikolo aduna nay duha ka mga bag-ong Helmet tungod sa laing 105 sad ka mga bag-ong Helmet nga gidugang paghatag kanila ni Senior Board Member Tyron Uy nga gipalit gamit ang kaugalingon niyang kwarta, ug dungan sa pagtunol gipasabot sa batan-ong Uy ang pagkamapuslanon sa mga bag-ong helmet nga protection sa mga mogamit niini.

Gisulti ni Gov.Uy ngadto sa mga punong barangay nga nahatagan niini atol sa Consultative Meeting nga ubos sa programang Brgy.Walang Iwanan ang liderato sa probinsiya naninguha nga mahatagan ang tanang barangay sa onse ka mga lungsod sa ilang tagsa-tagsa ka motorsiklo.
Gani matud pa niya nga na-schedule na ang paghatag sa laing 100 units para sa sa 100 sad ka mga barangay alang sa 2nd  batch, ug duna pay magsunod hangtud makompleto sa probinsiya paghatag sa ilang tagsa-tagsa ka mga motorsiklo ang 250 ka mga barangay sa tibuok Comval Province .

Samtang, giklaro ni Vice Gov. Zamora nga ang mga motorsiklo maoy usa sa mga labing importanteng panginahanglan nga gipangayo sa mga opisyal sa kabaranggayan sa Comval sa rason nga kini magpasayon sa ilang mobility sa padayong pag-atiman sa nagkadaiyang panginahanglan sa mga katawhan diha sa mga kabaranggayan. Unang nakasumiter og resolution sa probinsiya aron hatagan og  motorsiklo ang Brgy. Mangayon sa Compostela sa milabayng 2014. (gilbert cabahug/ids comval)

No comments:

Post a Comment