Tuesday, September 23, 2014

Selebrasyon sa National Family Week gipangunahan sa DSWD

Gi awhag ang tanang pamilya sa nasud nga mag selebrar sa National Family Week sugod Setyembre 20 hangtud sa 26.

“Mao kining tukmang panahon aron mapalig-on ang bugkos ug relasyon sa matag pamilya hilabi na niadtong mi agi ug panahon sa kalisud tungod sa mga sunod-sunod nga katalagman,” kini sumala  ni Department of Social Welfare and Development Secretary Corazon Juliano-Soliman.

Ang National Committee on the Filipino Family (NCFF),nga gipanguluhan sa DSWD ug gi langkuban sa mga miyembrong ahensiya sa gobyerno, pribadong organisasyon, ug relihiyosong grupo, ang nanguna sa maong selebrasyon.

Gi temahan ug “Celebrating the Filipino Families: Resilient and Caring” ang karong tuigang selebrasyon asa naghatag ug pag-ila sa malig-ong determinasyon ug pagkamaloloy-on sa pamilyang pilipino kung asa naila ang nasud sa tibuok kalibutan. (PCOO news)

No comments:

Post a Comment