Wednesday, September 17, 2014

Brgy. Officials sa New Bataan gipailalom sa 3 ka adlawng DRRM Planning and Workshop

Compostela Valley Province – Tungod usa sa mga lugar nga iladong peligro sa landslides ug mga pagbaha, apil usab ang New Bataan sa mga lungsod nga padayong gitabangan sa liderato sa probinsiya sa pagpanguna nila ni Gov. Arturo “Chiongkee” Uy, Vice Gov. Manuel “Way Kurat” Zamora nga molig-on ang kapabilidad sa Disaster Risk Reduction, Response, and Mitigation aron malikay ang mga katawhan sa grabeng kadaot sa higayon nga adunay mahitabong pagpanghasi sa kalamidad.

Kabahin niini ang libreng mga pagbansay sa mga Brgy. Officials  nga malampusong gihimo diha sa Comval Hotel and Restaurant sa Nabunturan, aron ilang makat-onan ang paghimo sa usa ka maayong plano sa Disaster Risk Reduction and Mitigation.

Ang bag-o nahumang DRRM Training and Workshop gihimo sulod sa tulo ka adlaw niadtong Sept. 12-14,2014, ug maoy ilang facilitators niini sila si Assistant PDRRMO Chief  Ruel Garcia ug MDRRMO Designate Vetos Sotero Vigil nga mao sad ang Municipal Administrator sa New Bataan.

Gitudlo kanila atol sa tulo ka adlawng “Planning and Workshop” ang bahin sa Brgy. Profile; ug ang bahin sa Brgy. Risk Profile nga diin apil niini ang Hazard Mapping and Analysis ug ang Vulnerability and Capacity Assessment.

Apil sad sa ilang mga nakat-onan ang Financial Planning gamit ang 5% DRRM Fund sa Barangay ug ang paghan-ay sa mga programa, proyekto, ug mga kalihokang haom sa giilang Thematic Areas nga naglakip sa mitigation and prevention; sa preparedness; sa response and early recovery; ug sa rehabilitation and recovery. (gilbert cabahug/ids comval)

No comments:

Post a Comment