Tuesday, September 23, 2014

Paghinlo sa mga malapasong personahe sa DPWH walay hunong, matod sa hepe sa DPWH

“Dili ko magpanuko nga mo suspende og magpalagpot ug malapasong personahe sa DPWH kinsa mga miyembro sa Bids and Awards Committees (BACs) nga nakig kunsabo sa mga kontratista o sa mga hiwi nga mga indibidual nga napamatud-ang mi tiyupi sa biddings sa maong buhatan.”

Kini mao ang giluwatang pahayag ni DPWH Secretary Rogelio L. Singson human nakadawat ug mga taho nga ang maong buhat sama sa pag tiyupi sa mga biddings dinha sa ilang buhatan, ang nagpadayon bisan pa man sa pag suspende sa pipila ka mga miyembro sa BAC, nga napamatud-ang responsable sa paglapas sa RA 9184, o ang Procurement Act.

Gi butyag ni Singson nga padayon niyang gi monitor ang mga resulta sa bidding para sa mga proyekto sa ilang buhatan nga gipahigayon sa Central, Regional ug District Engineering Offices. Sulti niya, “Sa datos pa lang, makaingon na kita nga pipila ka mga kontratista ang gipaboran sa atong pipila ka mga buhatan. Aduna usab kita makitang inandan (patterns) kung asa susamang mga kontratista ang misalmot sa proseso sa bidding asa kadtong mga midaug magpulihanay lamang sa maong grupo.”

Gipahimangnoan ni Secretary Singson kadtong mga kontratista nga napamatod-ang nalambigit sa konspirasiya ug pag pang tyupi sa bidding nga dayon kini niyang paga suspensohon o ma blacklist sa pagsalmmot ug bidding sa ilang buhatan. (PCOO news)

No comments:

Post a Comment