DTI nag pahimangno niining bag-o ngadto sa mga gagmay na manidahay kabahin sa sub-standard na produkto

DAVAO CITY - “Whoever is caught selling sub-standard products will be liable for violating the product Standards Law of the Philippines.”Kini maoy gipamulong karon ni Teolulo T. Pasawa, provincial director sa Department of Trade and Industry-Davao City Field Office (DTI-DCFO) agi ug tubag sa mga protesta ug mulo sa pipila ka mga nanagiya ug tindahan nga namugos nga dili dapat sila pahatagan sa silot tungod kay sila namaligya lamang kung unsa ang gihatag kanila gikan sa mga suppliers.

Sa pag komentaryo ngadto sa mga pangutana ug isyu nga gipasaka sa mga partisipante sa usa ka gipahigayaon nga meeting sa consuer welfare desk officers nining bag-uhay lamang, si Pasawa nagpadayag nga ang mga nagahimo ug mga nag-angkat kinahanglan nga pagasiguraduhon nga kung unsa ang ilang gibuhat nga produkto ug ang gidala nila nganhi sulod sa atong nasud gikinahanglan nga nahaum ug nagsunod sa gitawag nga Philippine Product Standards.

Usab iyang gidugang sa pag sulti nga ang mga retailers ang usab gikinahanglan nga mag baligya sa produktong nakasunod sa Philippine Product Standards kung ang ilang gibaligya nalakip sa gitawag ug mandatory standards.Si Pasawa nagkanayon nga ang Department Administrative Order No. 2 series of 2007 klaro nga nagpadayag sa responsibilidad sa mga manufacturers, importers, traders, wholesalers, distributors, retailers ug uban pang mga agents.

Adunay mukabat sa 90 ka mga produkto nga nahisakop sa mandatory standards kauban niini ang mga musunod: electrical products susama sa switches, plugs ug outlets, wires, compact fluorescent lamps (CFLs), fluorescent tubes, polyvinyl chloride (PVC) electrical tape; construction materials  susama sa semento, lansang, steel bars galvanized iron (GI) sheets; fire extinguishers, liquefied petroleum gas (LPG) cylinders, ceramic and sanitary wares. (PIA -11/Albert D. Cahilog)