Dabaw nga 911 naghimo sa usa ka bike-riding Quick Response Team

DAVAO CITY April 24 – Ang Davao Central 911 Communication and Emergency Response Center karon ang nagtukod sa usa ka hanas nga grupo nga magsakay sa usa ka motorsiklo aron maoy muresponde sa mga emerhensiya. “Its main purpose is to conduct initial assessment on the field.” Maoy sulti karon ni Nelson Vallejo sa Central 911.

Ang Quick Response Team magsakay unya sa motorsiklo nga adunay mga jump-kits nga mamahimong gamiton sa usa ka emergency medical nga sitwasyon. Kung grabe unya ang maong nakitang sitwasyon ang maong nagresponde mamahimong mutawag aron sa pag padala sa usa ka ambulansya.

Si Vallejo nagkanayon nga ang maong grupo makatabang sa pagpakunhod sa ilang gitawag ug response time nga anaa sa kasagaran nga kinse minutos (15 minutes). Ang maong grupo gihimo susama sa mga European nga nasud sama sa United Kingdom.

Ang maong mga motorsiklo ang makalikay sa duot unya sa traffic ug daling maka-abot ngadto sa mga biktima sa hamubong panahon. Ang maong mga responders usab ang gibansay kini sa first aid.

Aduna usab sila dala nga mga first aid jump kits alang unya sa mga samad ug gagmay tanke sa oxygen. Adunay karoy unom ka mga bag-ong motorsiklo ang gi-andam alang sa bag-ong grupo; ang maong grupo ang kasamtangang nagbansay sa pagsakay sa motor.

Ug sila unya ipahimutang sa mga gitawag nga satellite stations sa 911 diha sa Panacan ug Toril. Ang maong kabag-uhan maoy pipila lamang sa mga inisyatibo nga gihimo karon sa Central 911 nga sa kasamtangan gidumala sa bag-ong pangulo nga si Emmanuel Jaldon.

Usa sa mga inisyatibo unya mao ang P3-million nga Mobile Tracking System nga makatabang sa pag monitor sa nag responde nga mga 911 nga  sakyanan. Kini gidonar sa Davao Light and Power Company niadtong nilabay nga Enero sa kasamtangang tuig.

Ang ETS maoy usa ka ideya ug proyekto sa kupanya sa enerhiya nga mao si Jim Aboitiz. Adunay mukabat sa 28 ka mga gitawag ug trackers ang gibutang karon ngadto sa mga sakyanan sa 911.

Aduna usab gibutang sa mga sakyanan sa diha sa mga police mobile patrol nga nahimutang sa city’s Public Safety Command Center. (PIA – 11/Albert Cahilog)