Thursday, April 26, 2012

Bag-ong minimum wage hike dinhi sa R-XI mu-epekto karong Mayo 1


DAVAO CITY, April 26 (PIA) – Ang mga minimum wage earners dinhi sa Davao Region ang makadawat sa P10 nga umento sa gitawag nga Cost of Living Allowance o COLA nga ipatuman karong umaabot nga Mayo 1. Ang maong dugang nga P10.00 ngadto sa COLA sa mga trabahante ang magsaka sa minimum wage sa rehiyon gikan sa P260 – P291 ngadto sa P270.00 – P301.

Kining ikaduhang higayon sa P15.00 COLA nga umento ang nahimutang sa Wage Order No. RB XI – 17 nga gipagawas niadtong niaging Desyembre 2011. Ang unang higayon nga umento nga P5.00 ang gipatuman niadtong January 1 niinig kasamtangang tuig.

Ang Regional Tripartite Wages and Productivity Board (RTWPB-XI) ang napagawas sa Wage Order No. RB XI-17 nga nag takda sa suhulan ngadto sa mga non- agricultural workers ug kadtong mga empleyado sa retail ug service nga mga establisemento nga adunay sobra sa napulo (10) ka mga empleyado  ngadto sa P301.00 matag adlaw.

Nahilakip dinhi ang basic minimum wage pay nga P286.00 ug ang kauban niining COLA nga P15.00. Samtang kadtong anaa sa agrikultura nga sektor makadawat sa P276.00 ug alang ngadto sa mga anaa sa retail ug service establishments nga wala maka-abot sa napulo ang empleyado ang makadawat sa P275.00.

Matud sa Department of Labor and Employment – XI regional director Joffrey Suyao, ang RTWPB sa ni-aging Septembre sa tuig 2011 sa ilang kina-ugalingon (motu-propio) ang nag pahigayon sa usa ka hearing aron mahibalu-an ang kakinahanglanon sa maong pag umento sa suhulan sa dinhi sa rehiyon. Ang maong resulta maoy naka-aghat sa  board nga ipagula ang maong COLA nga adjustment.

Si Suyao nagkanayon nga dunay daghang hearing ug mga deliberasyon ang nahimo na, ang mga miyembro sa tripartite board kauban ang mga kasamtangang datus ug impormasyon sa regional economic indicators aron mahibal-an ang ang-ang sa pagahimu-ong adjustment.

Si Suyao dugang nagkanayon nga ang maong wage order ang makatabang ngadto sa mga minimum wage earners nga nagsagubang sa kanunay nga pagsaka presyo sa mga basic commodities. Dugang pa niini kabahin sa bag-ong minimum wage nga umento, ang DOLE-XI ang magpahigayon sa usa ka halapad nga job fairs dinhi sa mga malls sa dakbayan; diha sa SM City Mall ug ang Gaisano Mall of Davao.

Kining duha ka adlaw nga job fair ang pagahimu-on karon Mayo 1-2 kabahin sa selebrasyon sa adlaw sa mga mamumu-o karong Mayo 1. (PIA-11/Albert D. Cahilog)

No comments:

Post a Comment