Monday, July 6, 2015

P77 M Road Concreting Project sa Monkayo 57.41% na ang nahuman



Compostela Valley Province – Naa na sa 57.41 % ang Physical Accompishment kon nahuman sa P77 Milyones nga PAMANA D.A Road Concreting Project sa Monkayo nga dunay 5.18 ka kilometrong gilay-on. Kini base sa pinakaulahing report nga gipagula sa Provincial Engineers Office sa pagpanguna ni PEO Chief Engr. Rhoderick Digamon.

Si PPDO Chief Mr. Romeo Celeste nagsulti nga moabot gyod sa 5.18 ka kilometro ang gilay-on sa karsada nga gisemento, ug sa pagsemento niining karsadaha maoy gigamit ang P69 milyones pundo nga gitunol ni Pangulong Benigno S. Aquino III pinaagi sa opisina sa Department of Agriculture (DA) ug ang P7.2 Milyones counterpart sa probinsiya nga gigahin ni Gov. Arturo “Chiongkee” Uy.

Sa milabayng 2014 giaprobahan sa Comval SP sa pagpanguna nila ni Vice Gov. Manuel “Way Kurat” Zamora ug Senior Board Member Tyron Uy ang gihimong kasabotan (MOA) tali sa PLGU Comval ug sa Department of Agriculture (D.A.) aron sementuhon ang road section gikan Brgy. Union paingon sa Brgy. Upper Ulip Monkayo nga nagkantidad og kapin P77 Milyones.

Nahitabo ang pag-aproba human gipaboran pinaagi sa unanimous votes sa tanang SP Members nga mitambong sa ilang 54th Regular Session niadtong Agosto 20,2014 ang duha ka mga resolution nga giduso nila ni SP Members Agusto Blanco Jr., Ramil Gentugaya, Joseph Jaoud, ug Paul Galicia alang sa nahisgutang kapin P77 Milyones nga Road Concreting Project sa lungsod.
\
Unang giaprobahan ang “Resolution to  Adopt” sa Draft MOA  tali sa PLGU-Comval ug sa DA ug ang ikaduha mao ang paghatag ug katungod kang Gov. Uy nga maoy mopirma sa gihimong kasabotan  nga giaprobahan gihapon sa tanang SP Members pinaagi sa boto nga unanimous.

Apil sa mga mipabor sa duha ka mga resolution sila si SP Members Atty. Ruwell Peter Gozaga, Ramil Gentugaya, Moran Takasan, Raul Timogtimog, Paul Galicia, Neri Barte, Joesph Jaoud, Macario Humol  ug Augusto Blanco Jr. nga maoy movant sa duha ka mga resolution. (Gilbert Cabahug/IDS Comval)

No comments:

Post a Comment