Wednesday, July 8, 2015

DOH andam mo-atiman sa bag-ong kaso sa MERS-CoV



Gipasalig sa Malacañang ngadto sa publiko nga andam ang Department of Health (DOH) pag-atiman sa mga bag-ong kaso sa Middle East Respiratory Sydrome coronavirus (MERS-CoV) sa nasud.

Kini ang gipadayag ni Communication Secretary Herminio Coloma, Jr., sa usa ka sulat pahayag.

“Ang Pilipinas, pinaagi sa DOH, andam ug makahimo sa pagpaniid sa mga gikatahong kaso sa MERS-CoV sa nasud, lakip na ang paglain ug pagtambal sa takbuyan niini,” si Coloma miingon.

Gikataho nga usa ka langyaw nga miabot gikan sa Middle East ang nakit-ang positibo sa MERS-CoV, si Health Secretary Janette Garin miingon.

“Matud pa ni Secretary Garin, ang nasangpit nga pasyente nagpabilin nga gilain samtang nagpatambal sa Research Institute of Tropical Medicine (RITM) sa Muntinlupa City ug nga ang resulta sa iyang laboratoryo nagpakita nga arang-arang na kini,” si Coloma miingon. (PIA)

No comments:

Post a Comment