Tyron: Provincial Local Youth Council sa ComVal functional na

by Gilbert M. Cabahug

COMPOSTELA VALLEY PROVINCE-----Functional na ang Provincial Local Youth Council (PLYC) nga gimugna ni Gov. Arturo “Chiongkee” Uy ilalom sa E.O. 025-2013, ug matud ni Senior Board Member Tyron Uy nga human naundang ang kalihokan sa Sangguniang Kabataan gipaningkamotan sa liderato sa Probinsiya nga pabilin gihapong madasigon ug aktibo ang mga batan-on sa pagsalmot sa mga kalihokang pangkalamboan nga usa sa mahinungdanong tumong sa gihingusgang Empowerment sa Comval Youth nga mas gipakusog ubos sa iyang  YES kun Youth, Education, and Sports Advocacy.

Pinaagi sa PLYC, ang tanang grupo sa mga batan-on sa probinsiya gisangkapan sa igong katungod ug mga pribilihiyo aron nga silang tanan maapil sa mga kaayohan ug benepisyo nga gitunol ug itunol sa liderato sa probinsiya ngadto sa tanang mga batan-on ingon nga sila miyembro niini, ug magdala sa ilang tingog sa konseho sa mga batan-on ang ilang leader nga molingkod aron magrepresentar kanila diha sa PLYC nga namugna ilalom sa E.O. 025-2013 nga gipagula sa gobernador. 

Apil sa mga molingkod sa PLYC ang CVSP Scholars Provincial President, ang IP Youth Fed. President, PAG-ASA Youth Association President, ang Youth for Peace Movement Fed. President, Diocesan Youth Apostolate Fed. President, Young Farmers (4H Club) Fed. President, ug ang Federatiion Presidents sa Student Gov’t Council sa Tertiary Level, Supreme Student Government (SSG) sa Secondary, ug sa Technical Vocational Education.

Gisulti ni Provincial Youth Coordinator Preciosa Toledo sa PSWDO nga human ang Organizational Meeting niadtong Hulyo 11, 2014 opisyal na nga milngkod sa PLYC ang Provincial Federation Presidents sa lain-laing grupo sa mga batan-on nga sila John Lerry A. Misa sa CVSP- napiling Chairperson;  Vice Chair nga si Imee Kassandra Cacho-SSG; Secretary nga si Pablito Quidato Jr.-IP; ug mga miyembro nga sila Jahar Sequina-Muslim, Ramel Luzon, Noemi Minguito-4H, Shadrach Lindong-SSC, Shelou Broñola-DYA, ug Esmeraldo Hadcan– III (PYAP).  (gilbert m. cabahug, ids-comval)