Friday, August 29, 2014

ComVal SP giaprobahan ang P53.5M Road Concreting Project sa Compostela

by Gilbert M. Cabahug

COMPOSTELA VALLEY PROVINCE-----Pagasugdan na sa dili madugay ang mokabat P53.5 Milyones nga Road Concreting Project diha sa lungsod sa Compostela, kini human giaprobahan sa Sangguniang Panlalawigan (SP) sa pagpanguna nila ni Vice Gov. Manuel “Way Kurat” Zamora ug Senior Board Member Tyron Uy ang gilutong kasabotan (MOA) tali sa PLGU ComVal ug sa DA nga mao ang pagsemento sa NRJ Compostela- Sitio Bongkilaton Farm-to-Market Road (FMR) sa Brgy. Ngan.

Ang pag-aproba nahitabo niadtong Agusto 20, 2014 human gipaboran pinaagi sa unanimous votes sa tanang SP Members nga mitambong sa ilang 54th Regular Session nga gipanguluhan sa Presiding Protempore niadtong adlawa nga si Board Member Neri Barte ang duha ka mga Resolutions nga giduso nila ni SP Members Agusto Blanco Jr., Joseph Jaoud, Paul Galicia, ug Macario Humol alang sa P53.5 Milyones nga Road Concreting sa “NRJ Compostela– Sitio Bonkilaton, Brgy. Ngan FMR Section sa Compostela.

Unang giaprobahan ang “Resolution to Adopt” sa gilutong kasabotan kun Draft MOA tali sa PLGU-ComVal ug sa DA pinaagi sa Department of Agriculture Regional Office XI alang sa P53.5 Milyones nga Road Concreting Project sa Compostela. Ikaduhang resolution ang paghatag ug katungod kang Gov. Arturo “Chiongkee Uy” aron pirmahan ang gilutong kasabotan.

Kining tanan giaprobahan pinaagi sa unanimous votes nga gitunol sa tanang SP members nga mitambong panahon sa ilang 54thRegular Session, ug apil sa mga miboto pabor sila si SP Members Atty. Ruwel Peter Gozaga, Ramil Gentugaya, Moran Takasan, Raul Timogtimog, Paul Galicia, Joseph Jaoud, Macario Humol  ug Augusto Blanco, Jr. nga maoy movant sa duha ka mga Resolution.

Gisulti mismo ni PPDO Chief Mr. Romeo Celeste nga gamiton sa pagsemento niining karsadaha ang P48.5 Milyones nga gitunol ni Pangulong Benigno S. Aquino III pinaagi sa opisina sa Department of Agriculture (DA) ug ang P5 Milyones counterpat sa probinsiya nga gigahin ni Gov. Uy alang sa maong katuyoan.  (gilbert m. cabahug, ids-comval)

No comments:

Post a Comment