by Gilbert M. Cabahug
COMPOSTELA VALLEY PROVINCE-----Generally peaceful and normal gihapon ang kinatibuk-ang kahimtang sa probinsiya sa Compostela Valley, ug gani matud ni Police Senior Superindent (PS/Supt.) Abraham C. Rojas nga mas miubos pa karon ang crime incidence sa tibuok probinsiya kun intandi sa milabay’ng tuig.
Si PS/Supt. Rojas mao ang bag-ong Provincial Police Director sa ComVal Provincial Police Office (ComVal-PPO). Sa bahin sa kapulisan siya maoy mihatag ug Update sa Peace and Order situation sa probinsiya atol sa malampusong Provincial Peace and Order Council (PPOC) Regular Meeting nga gihimo sa Kapitolyo niadtong Agusto 12, 2014.
Maoy gitahasan ni PPOC Chair Governor Arturo “Chiongkee” Uy sa pagdumala niini si Vice Governor Manuel “Way Kurat” Zamora, ug iyang mga kauban sila Board Member Ruwel Peter Gonzaga ug DILG Provincial Director Liborio B. Diana. Kauban sad sila Mayor Hadji Amir Muñoz sa Mabini, Mayor Roberto Yugo sa Pantukan, Mayor Lema Bolo sa Compostela, ang mga dagkong opisyal sa kapulisan, sa mga kasundalohan, ug ang gikan sa laing-laing opisina sa National Line Agencies nga nag-operate sa probinsiya.
Matud ni PS/Ssupt. Rojas nga sa 1st and 2nd Quarter karong tuiga mas miubos ang natalang Index and Non-Index Crime sa onse ka mga lungsod. Kini nahitabo matud pa tungod sa talagsaong paningkamot
nga gihimo sa kapulisan nga mitala ug dakong accomplishment labi na ang gihingusgang Campaign against Loose fire arms; Campaign against illegal gambling; Campaign Against Illegal Drugs; Campaign against carnapping; Campaign against illegal logging; ug ang arrest of wanted persons nga diin miabot na sa 47 ka mga most wanted ang ilang nadakpan. (gilbert m. Cabahug, ids-comval)
No comments:
Post a Comment