Sa ComVal: 222 Coop Leaders nagtapok alang sa usa ka adlaw’ng “Cooperative Business Financing Orientation”

by Gilbert M. Cabahug

COMPOSTELA VALLEY PROVINCE-----Sa ilang pagpakita ug dakong suporta sa gihingusgang Rebuilding ug Early Recovery efforts sa liderato sa probinsiya gipadaplin karon sa Coop Leaders ang Outdoor Activities nga maoy sagad himoon sa Cooperative Month Celebration matag tuig, ug maoy ilang gihimo puli niini ang mga kalihokan nga makatabang ug dako aron molambo ang panginabuhian sa mga katawhang Comvaleño.

Matud ni PCU-Comval chair Eliseo Tan nga sa 2013 Cooperative Month Celebration sa bulan sa Oktubre maoy gitutokan sa mga Coop Leaders ug Coop Managers sa tibuok probinsiya ang bahin sa Economic Activity subay ang tukmang direction sa gibag-o, mas gipakusog, ug mas gipalapad nga Cooperative Development Program ni Governor Arturo “Chiongkee” Uy sa Compostela Valley.

Ilalom sa temang “Cooperative Paves the Way for Inclusive Growth” maoy gihimo sa  mokabat 222 Coop Leaders ug Coop Managers nga mitambong sa gihimong pagselebrar sa 2013 Cooperative Month diha sa Kapitolyo ang pagpailalom sa usa ka adlawng “Cooperative Business Financing Orientation” nga libreng gitunol kanila sa Provincial Cooperative Development Council (PCDC) ug Provincial Cooperative Union of Compostela Valley (PCU-ComVal).

Ang usa ka adlaw’ng panagtapok niadtong Oktubre 23, pormal nga gisugdan sa usa ka Welcome Message ni PCU-Comval Chair Eliseo Tan, ug nagsunod human niini ang inspiring messages nila ni CDA Region XI Director  Elma Oguis ug ni Governor Uy nga gipabati ni Executive Assistant IV Isabelo L. Melendres.

Gitug-an ni Provincial Cooperative Development specialist  Manny Buladaco sa Provincial Agriculturist Office (PAGRO), nga atol sa malampusong panagtapok gipresentar sa  mga dagkong opisyal sa tulo ka mga bangko nga sila si  Vencenso Dimol–Account Officer, Land Bank of the Philippines (LBP);  si Faye Carmina Pimentel–Account Officer, Development Bank of the Philippines ug;  Anthony Ladroma – Micro Loan Officer sa Enterprise Bank, ang lain-laing klase sa loan packages nga gitanyag sa bangko nga ilang girepresentahan aron matabangan sa ilang financial needs ang mga katawhang Comvaleño  nga adunay lain-laing klase sa economic activity nga makitang profitable and sustainable.  (gilbert m. cabahug, ids-comval)