ni Noel Baguio
Magsangka ang onse ka mga team nga mi-representar sa tanang dakbayan ug lungsod sa lalawigan sa inter-LGU youth basketball tournament.
Apan giklaro ni Governor Rodolfo P. del Rosario nga tinguha sa four-game, semi home-and-away series matag Sabado ang panaghiusa, sportsmanship ug pag-uswag sa panlawas ug panghunahuna sa mga kabataan. Kini, matud pa niya, nahisubay sa iyang programa nga P.E.O.P.L.E.
Pinaagi sa usa ka mensahe nga gibasa ni SKPF President ex-officio Board Member Eugene Katrina Estrada, gibatbat sa gobernador nga giduso sa probinsya ang integrated sports development program aron sa paglambo sa disiplina, confidence ug leadership, sa samang higayon nga ginapahilayo niini ang kabataan sa makadaot nga bisyo sama sa druga ug pag-apil sa krimen.
Atul sa paglusad sa tournament sa Rotary Covered Court in Tagum City sa milabay nga June 23, 2012, gipildi sa Samal team ang Carmen sa score nga 102-72. Midaog gihapon ang New Corella kontra Asuncion, 94-65, samtang giparok usab sa Tagum City ang Talaingod, 100-64.
Si Provincial Sports Coordinator Giovanni Gulanes mipahayag nga apil ang opening sa mga kalihokan sa kasaulogan sa ika-45 Araw ng Davao del Norte. Ipahigayon ang playoffs niini sa umaabot nga weeklong celebration sa adlawng natawhan ni Gov. del Rosario sa Septyembre 1.
Ang mga personahe nga mitambong milangkob nila Congressman Teddy Casino sa Bayan Muna Partylist, Board Member Atty. Joey Millan, Board Member Dr. Alfredo De Veyra, Mayor Joseph Nilo Parenas sa Asuncion, Mayor Nestor Alcoran sa New Corella ug Assistant Provincial Administrator Romulo Tagalo.
No comments:
Post a Comment