COMPOSTELA VALLEY PROVINCE-----Tungod sa mga maayong nahimo aron modaghan ug modako ang ani sa tibook probinsiya sa kada tuig pinaagi sa lain-laing Agricultural Interventions nga gitunol ngadto sa mga mag-uuma ilalom sa “Rice Sufficiency Program” ni Governor Arturo “Chiongkee” Uy, gipasidunggan karon sa Malacañang pinaagi sa Department of Agriculture (DA) ang Compostela Valley ingon nga isa sa Top 10 Most Outstanding Provinces sa nasud sa Rice Production.
Pinaagi sa Plaque nga gitunol nila ni Agriculture Secretary Proceso J. Alcala ug Assistant Secretary Dante S. Delima- National Rice Program Coordinator ngadto nila ni Vice Gov. Ramil Gentugaya ug Provincial Agriculturist Dr. Rolando Simene niadtong Marso 15, 2013 atol sa gihimong awarding rites sa “2012 Agri-Pinoy Rice Achiever’s Awards” nga malampusong gihimo didto sa Philippine International Convention Center (PICC) sa Pasay City , gipahibalo sa D.A. ang dakong pag-ila sa Extra-Excellent Performance sa probinsiya sa gihingusgang rice production sa nasud ubos sa Rice Component sa Agri-Pinoy Program ni Pangulong Benigno S. Aquino III.
Giila sad nga apil sa Top 10 Most Outstanding Irrigators’ Association ang Upper Naboc Farmer’s Irrigators Association ug Awao Farmer’s Irrigators Association sa lungod sa Monkayo. Samtang maoy usa sa napiling Top 3 Most Outstanding Small Water Impounding System Association ang Libasan Cooperative sa lungsod sa Nabunturan. Gipasidunggan usab niadtong adlawa didto sa PICC sila si PAGRO Chief Dr. Rolando Simene ug Crops Division Senior Agriculturist Fernando Palsario ingon nga apil sa Top 500 Agricultural Workers sa nasud. Dugang sa gitunol nga plaque, ang D.A. mihatag usab ug Cash Award nga 4 milyones pesos sa probinsiya
Matud ni Fishery Division Chief ug Provincial Agriculturist Office Planning Head Ronald Sibayan, nga ilalom sa gihingusgang Provincial Rice Sufficiency Program ni Gov. Uy, ang probinsiya naglawig sa performance rating sa rice production tungod sa lain-laing Best Practices nga gipatuman sama sa Palay Check, sa gihimong Rice Techno-Demo, sa nagpadayong Farmers Field School, ug sa giimplementar nga Farm to Market Road projects sa mga rice production areas.
“Ang Parangal ng Kagawaran ng Pagsasaka ay iginawad sa Compostela Valley Region XI na hinirang bilang katangi-tanging Lalawigan 2011-2012 sa ikalawang taon ng Agri-Pinoy Rice Achiever’s Awards. Bilang pagkilala sa mahalagang kontribusyon ng lalawigan sa pagpapalawig at pagpapataas ng produksiyon ng palay sa buong bansa, na siyang nagbunsod ng kasapatan sa bigas ng mga mamamayan at pag-aangat ng kabuhayan ng mga magsasaka ng palay sa kanayunan.” matud sa D.A. (Gilbert M. Cabahug, ids-comval)
No comments:
Post a Comment