Wednesday, March 6, 2013

Bam Aquino ug Sonny Angara midagan sa “Bayanihan Run 2 Rebuild Fun Run 2013” sa Comval


Lakip usab sila si Congressman Juan Edgardo “Sonny” Angara sa Lone District of Aurora ug Social Entrepreneur Paulo Benigno “Bam” Aquino-IV sa kapin kun kulang 12,000 Runners nga misalmot sa bag-o nahumang “Bayanihan Run 2 Rebuild Fun Run 2013” nga gipanguluhan nila ni Governor Arturo “Chiongkee” Uy ug Vice Governor Ramil L. Gentugaya sa Kapitolyo niadtong Marso 3, 2013.

Luyo sa dili tiawng kadaot nga nahiaguman sa probinsiya gumikan sa milabay’ng bagyong Pablo, ang Compostela Valley nagsaulog gihapon sa 15th Founding Anniversary ug 6th Bulawan Festival niini.  Bisan duha lang ka adlaw ang himoong pagselebrar, maoy sentrong kalihokan ang pag source-out ug pundo pinaagi sa “Dinner for A Cause” ug “Fun Run”. Ang kita gikan niining duha ka mga dagkong kalihokan, gamiton sa gisugdang pag rebuild sa nadaot nga mga Daycare Centers, School Buildings, ug School Facilities sa 11 ka mga lungsod.

Ang dakong selebrasyon sa probinsya, giablihan sa “Bayanihan Run to Rebuild Fun Run 2013” giapilan sa mga runners nga kasagaran nagagikan sa Comval, sa Davao del Norte,  Davao City,  ug sa uban pang mga lugar sa kabisay-an, sa Luzon, ug dinhi sa Mindanao.

Adunay tulo ka mga kategorya niini:  3K kun lumba dagan sa 3 kilometrong gilay-on; ang 5K-on; ug ang 8K.  Unang nanagan ang runners sa 8K ug maoy mihatag sa senyales sa pagsugod (gunstart) niini si Tyron Uy.  Samtang si Governor Uy usab sa kategoryang 5K.

Sama sa nahaunang Fun Run sa ComVal, ang kategoryang 3K mao gihapon ang dunay pinakadaghang Runners ug maoy nimando alang sa pagsugod niini si Board Member Moran Takasan.

Nanguna sa linya sa mga Executive runners sila si Governor Uy, Social Entrepreneur Bam Aquino, Congressman Sonny Angara, Congresswoman Maricar Zamora, Vice Governor Ramil Gentugaya, kanhi Provincial Sports Coordinator Tyron Uy, Former Congressman Manuel “Way Kurat” Zamora, SP Members, Municipal Mayors, Vice Mayors, SP ug SB Members, ug uban pa. (Gilbert M. Cabahug, ids-comval)

No comments:

Post a Comment