WHAPEE CARAVAN NIABOT SA PINAKALAYO NGA BARANGAY

Sa katuyoan nga matubag sa Lokal nga Panggamhanan ang batakang serbisyo sa katawhan labi na sa kabarangayan, gisubida sa team Welfare, Health, Agriculture, Peace and Order Education Employment kun WHAPEE ang pinakalayo nga barangay sa Panabo nga mao ang Katualan.

Dala sa maong Caravan ang nagkadaiyang serbisyo sama sa City Health Office nga nagpahigayon ug Medikal ug Dental ug nanghatag sab ug mga medisina sa mga adunay balatian.

Ang City Agriculture Office adunay  immunization ug gipangporga ang mga kahayopan ug nanghatag  ug mga bitamena. Nang apud-apod sab ug mga semilya sa utanon ug abono .

Kuyog usab sa WHAPEE ang City Social Welfare and Development Office  aron pag pang apud-apod ug mga purchase booklet alang sa mga senior citizen ug registration sa mga solo parent.

Nagpahigayon sab ug mobile registration ang City Civil Registrar’s Office ug nagadawat sab ug mga NSO request ug queries kabahin sa mga clerical ug typographical error nga nakalatid sa RA9048 ug RA10172.

Mga bakanting trabaho sab ang dala sa Public Employment Service Office.

Naghanyag sab ug Libreng gupit si City Councilor Mawi Pamisaran.

Libreng Manicure ug Pedicure alang sa kababaehan ang gihanyag ni City Councilor Raquel Geraldo.

Libreng ID lamination sab kang City Councilor Wahid Ranain.

Ug aron nga ma priserba ang mga dokomento libreng Photocopy sab kay City Councilor Ferdinand Gocon.

Nang apud-apod ug mga sanitary kit ug mga school supplies ang Panabo Multi- Purpose Cooperative (PMPC) isip garepresentar sa pribadong sector.

Naghanyag sab ug libreng serbisyo sa WHAPEE ang mga doktor ug dintesta nga gikan sa pribadong hospital sa syudad sama sa Zafra Medical Clinic, Good Shepherd, Panabo Polymedic ug mga Health Officers ug mga medical practicetioneers nga  gikan sa mga silingang syudad ug kalungsuran.

Ang Panabo City Government Employee Multi Purpose Cooperative naghatag ug mga pagkaon sa mga naglihok sa WHAPEE.

“Gidala nato sa usa ka halayong barangay ang atong mga frontline agencies  ug mga volunteers aron dili na mo gasto ug pamasahe ang atong katawhan ug dali nalang nila madawat ang serbisyo sa atong gobyerno,” sigun ni Mayor James G. Gamao.

Ang WHAPEE caravan usa sa mga nag-unang programa sa administrasyon nga diin dala niini ang batakang serbisyo ngadto sa katawhan. (June G. Geraldo- CIO Panabo)