Duterte nag-una sa SWS presidential survey

Nag-una si Davao City Mayor Rodrigo Duterte sa mga kandidato pagka presidente para sa sunod tuig nga eleksiyon, kini sumala sa pinaka ulahi nga survey sa Social Weather Station o (SWS).

Ang maong survey, hain gipahigayon niadtong Nobyembre 26 ug 27, nagpakita nga si Duterte ang nakakuha ug 38 porsyento sa 1,200 ka mga gipangutana sa tibuok nasud.

Sa ika duhang puwesto mao sila si Vice President Jejomar Binay ug Senator Grace Poe nga nagtabla nga dunay 21 porsyento. Gi sundan kini sila sa kandidato sa LP nga si Manuel Roxas 15 porsyento, ug si senadora Miriam Defensor Santiago nga nakakuha ug 4 porsyento. (etf/PIA)