AFP, PNP naka alerto human sa pagpangatake sa mga terorista ngadto sa Indonesia

Naka alerto karon ang mga kasundaluhan ug kapulisan human sa nahitabong pagpangatake sa mga terorista ngadto sa Jakarta, Indonesia, asa nagbiya ug pito ka taong namatay ug dili mo kulang sa 20 ka samaran.

Gi butyag sa tigpamaba sa militar nga si Brig. Gen. Restituto Padilla nga naka alerto ang tibuok pwersa nila aron maseguro nga andam kini kung ugaling dunay mga teroristang pondok dinhi sa nasud nga mosunod sa gibuhat nga pagpangatake didto sa Indonesia.

Samtang sa laing bahin, gi butyag sa tigpamaba sa  Philippine National Police (PNP) nga si Chief Superintendent Wilben Mayor nga anaa sa full alert ang kapulisan.

Tanang personahe sa kapulisan ang gi mandoang higpitan ang seguridad sa tanang importanteng estalasyon ug magpahigayon ug opensiba batok sa mga teroristang grupo. (PIA)