Thursday, August 1, 2013

NDRRMC gihatag ang “Bakas Parangal ng Kadakilaan” National Award sa Comval Emergency Response Team

by Gilbert M. Cabahug

COMPOSTELA VALLEY PROVINCE-----Tungod sa napakitang talagsaong abilidad sa daling pagtubag sa panginahanglan ug pagluwas sa mga katawhang biktima sa katalagman labi na sa milabay’ng Supertyphoon Pablo, usa ka National Award ang gitunol karon sa  kauluhan ngadto sa gimugnang “Comval Emergency Response Team (COVERT)” ni Governor Arturo “Chiongkee” Uy.
Niadtong Hulyo 29, 2013 opisyal nga gipahibalo mismo ni Vice Gov. Manuel “Way Kurat” Zamora– OIC Governor, nga ang Comval Emergency Response Team maoy  gihatagan karong tuiga sa Malacañang pinaagi sa National Disaster Risk Reduction and Management Council (NDRRMC) ug “ Bakas Parangal Ng Kadakilaan Award”.

Ang maong pasidungog gitunol sa palasyo ingon nga timaan sa ilang dakong pag-ila   sa talagsaon ug lisud hilabwang performance sa COVERT sa “Disaster Preparedness, Mitigation, and Response” nga diin, tungod sa paspas ug dali nilang pagresponde ug pagtabang daghan sa mga katawhang Comvaleño  ang ilang naluwas gikan sa lisod na kaayong kahimtang panahon sa pagpanghasi sa kalamidad.

Dungan sa iyang pagpahibalo niini, malipayong gitunol usab sa Bise Gobernador niadtong adlawa ang usa ka nindot nga Plaque nga gihatag ni DND Secretary ug NDRRMC Chairperson Voltaire T. Gazmin ngadto sa mga miyembro ug opisyal sa “Comval Emergency Response Team”.

“Iginawad itong ‘Bakas Parangal ng Kadakilaan’ sa ‘Comval Emergency Response Team (COVERT)– Comval Province’ para sa pambihirang kakayahang ipinamalas sa maagap na pagtugon at pagligtas sa mga mamamayan… nang manalasa ang malakas na hangin at ulan dala ng Bagyong Pablo noong ika-4 ng Disyembre 2012,” matud ni DND Sec. Gazmin.  (Gilbert M. Cabahug, ids-comval)

No comments:

Post a Comment