Compostela Valley Province – Gusto gyod sa Regional Youth Commission nga
sa Comval Province pagahimoon ang nagsing-abot nga “Parliament of Youth
Leaders” karong tuiga, ug sa pagsulti ni Senior Board Member Tyron Uy niini
iyang gipasabot ang iyang dakong kalambigitan niini ug gani matud pa niya nga
sa milabayng tuig usa siya sa mga batan-ong leader nga aktibo, hugtanong
misuporta, ug misalmot sa National Youth Parliament (NYP) nga gipasiugdahan sa
National Youth Council (NYC).
Si Education and Information Technology
Committee Chair Senior Board Member Tyron Uy sa Comval SP maoy usa sa mga
pinasidunggang mamumulong sa duha ka adlawng Joint Leadership Training sa
Supreme Student Government (SSG) ug sa Supreme Pupil Government (SPG) nga
gitambongan sa kapin kon kulang 200 ka mga Student Leaders ug piniling Araling
Panlipunan Teachers sa pagpanguna ni Araling Panlipunan Education Supervisor
Dr. Grace Pontillas sa Curriculum Implementation Division sa Comval DepEd.
Facilitators sa duha ka adlawng Joint Training
sila Dr. Grace Pontillas; Dr. Roque Lancoy,II; Dr. Warlito A. Hua; Prof.
Virginia Barbara P. Nillas; Ian Philip Balatico; ug Board Member Uy nga maoy
nagtudlo sa ‘Fundamentals of Parliamentary Procedure” ngadto sa miapil nga mga
Student Leaders sa Comval.
Sa iyang Inspiring Message panahon sa duha ka
adlawng Leadership Training diha sa Social Hall sa kapitolyo niadtong
Abril 13-14,2015 iya sad nga gihisgotan ang bag-o nahumang “Provincial Youth
Leadership Summit” diha sa Nabunturan National Comprehensive High School nga gitabangan
pagdumala sa NYC, sa mga kapulisan, sa armadong kusog sa nasud, ug sa
kagamhanang lokal sa Comval Province.
Gidasig sad niya ang mga Student Leaders nga
ilang ipadayon, ug kon mahimo pakusgan pa ang gihimong involvent sa public
service delivery diha sa Community kauban ang mapiling Presidente sa SSG nga
molingkod sa Provincial Local Youth Council (PLYC) nga gimugna ni Gov. Arturo
“Chiongkee” Uy. (Gilbert Cabahug/ IDS Comval)
No comments:
Post a Comment