Compostela Valley Province - Gipahibalo karon ni Gov. Arturo “Chiongkee” Uy nga libre gihapong makita nga walay bayad sa mga katawhang Comvaleño pinaagi sa usa ka “Live Telecast Via Pay Per View” ang labing gipaabot nga Pound for Pound Greatness- Fight of the Century sa atong Pambansang Kamao nga si 8th Division World Champion Manny Pacquaio ug Undefeated World Champion Floyd Mayweather Jr. nga pagahimoon diha sa MGM Grand, Las Vegas Nevada, USA sa Mayo 3,2015.
Ang gikahinamang “Pacquiao-Mayweather Fight”, masaksihan sa mga katawhan nga live ug walay bayad diha sa mga Municipal Gymansiums sa Maco, Mabini, Pantukan, Laak, Mawab, Montevista, Monkayo, Compostela, New Bataan, ug Maragusan sugod alas 8:00 sa buntag.
Sa Nabunturan Libre nila kini nga makita diha sa Nabunturan National Comprehensive High School (NNCHS). Sa Maco Shorelines, diha nila kini libreng makita sa Maco Heights Amphitheater. Sa Maco Masara lines libre kining makita diha sa Brgy. Elizalde Gym ug sa Brgy. Panibasan Gym.
Libre sad kini nga makita diha sa PANAMIN/Anitapan Multi-Purpose Hall sa Mabini, sa Diwalwal Brgy. Gym sa Monkayo, ug sa Brgy.Andili Gym sa Mawab.
Matud ni Gov. Uy nga sama sa naandan dili gihapon pabayron ang mga katawhan nga gustong motan-aw sa maong panagtakos tungod kay siya, si Senior Board Member Tyron Uy, ug ilang mga kaubang Sponsors niini nga mao ang Phoenix Petroleum, NCCC, ug sila Cong. Maricar Zamora, Vice Gov. Manuel “Way Kurat” Zamora, SP Member Ramil Gentugaya maoy nag-angkon sa mga bayronon aron nga kini libreng makita sa mga katawhan.
Giawhag usab sa Gobernador kadtong gusto nga motan-aw nga magsayo lang sila pag-adto sa ilang tagsa-tagsa ka Municipal Gymnasiums ug sa gihisgotang mga lugar sa libreng tan-aw aron sila makapahiluna ug makapahimutang sa mga maayong lingkoranan panahon sa ilang pagtan-aw sa labing gipaabot nga Fight of the Century. (Gilbert Cabahug/ IDS Comval)
No comments:
Post a Comment