Comval Province naila sa “Bayanihan”

Compostela Valley Province--- Luyo sa kalinghod tungod usa sa pinakabag-ong probinsiya nga namugna sa nasud, apan matud ni Gov. Arturo “Chiongkee” Uy nga ang Comval Province usa karon sa mga labing ilado tungod sa na “Showcase” nga mga best practices sa nagkakusog nga “culture of caring and sharing” pinaagi sa gihimong pagtinabangay ilalom sa gibansayng Bayanihan ug sa Spirit of Volunteerism nga padayong gihimo sa mga katawhang Comvaleño. 

Gisulti sa gobernador ang bahin sa imbitasyon kaniya sa Ateneo de Manila University Office of the Vice President for Social Development ug sa Institute of Philippine Culture (IPC) aron sa ilang masayran ang talagsaong impact diha sa kinabuhi sa mga katawhan human nga ilang natagamtaman ang mga maayong epekto sa mga best practices nga nahimo tungod sa panaghiusa ug sa gihimong mga pagtinabangay.

Matud niya nga tungod sa maong imbitasyon miadto siya sa kauluhan  ug iyang gipaambit ang mga best practices sa mga katawhan sa Comval ngadto sa IPC Research Group nga nagtapok sulod sa  Escaler Hall sa AdMU, Quiezon City niadtong Abril 17, 2015 alang sa gitinguhang Social Change.

Mitambong niini ang mga iladong Social Change Agents sa nasud nga gilangkoban sa mga Practitioners, Scholars, Policymakers, mga iladong lideres, mga estudyante, ang mga representante sa katilingban sa mga kabus, ug uban pa aron hisgutan ang nagkadaiyang panglantaw sa gitun-ang “Scaling up what works”.

Sa iyang pagpaambit niini iyang gihisgotan ang maayong nahimo sa Culture of caring and sharing sa Comval nga naglakip sa kapin kon kulang 1,000 GK Houses nga natukod sa nagtinabangayng mga katawhan sa onse ka mgha lungsod, ang pagtukod ug School Buildings ilalom sa programang Kalinga sa Kabataan Bayanihan sa Paaralan, ug sa “Adopt A Child Program”. (Gilbert Cabahug/ IDS Comval)