ComVal mihakot ug unom ka mga Pearl Awards sa turismo

COMPOSTELA VALLEY PROVINCE-----Unom gyod ka mga Pearl Awards ang nahakot sa Probinsiya sa Comval  atol sa bag-o nahumang “15th Annual Convention of the Association of the Tourism Officers of the Philippines (ATOP)” nga malampusong gihimo didto sa L’ Fisher Pavillion, Bacolod City niadtong Oktobre 2-6,2014.

Gisulti mismo ni Senior Tourism Officer Christine Dompor nga sa gihimong Awarding Ceremony niadtong Oktubre 4, 2014 nakuha sa ComVal ang unom ka mga Pearl Awards nga gitunol sa Malacañang pinaagi sa Department of Tourism (DOT) ug sa Association of Tourism 9,770 Comvaleño nagdonar ug dugo sa usa ka tuig lang Officers of the Philipines (ATOP), ug maoy nagtunol niini si DOT Secretary Ramon Jimenez nga gi- representahan sa Senior Officer of the Tourism Promotion Board nga si Mr. Dominggo Ramon C. Enerio –III.

Samtang gipakita ang unom ka klase sa Pearl Awards nga ilang nadawat giisa-isa gyod ni Dompor pagpasabot ang kada usa niini nga diin maoy pinakadako ug labing nindot ang nakuhang mga Awards sa PLGU-ComVal nga maoy gideklarang 1st Runner-up Winner sa “Best Tourism Month Celebration - Provincial Level Category” ug sa Montevista tungod gideklarang 1st Runner-Up Winner ang “Diwanag Festival”  sa “Best in Cultural Festival” sa  Municipal Level Category.

Naapil sad sa Top 5 Awardees sa “Sports and Wellness Province Category” ang Winning Entry nga “6th Summer Beach Feast” sa ComVal nga malampusong gihimo sa tulo ka Shoreline Municipalities nga mao ang mga lungsod sa Maco, Mabini, ug Pantukan.

Sa Sports and Wellness Municipal Level Category apil sa Top 5 Awardees ang “1st Cross Country Mountain Bike Competition” sa Montevista, ug ang “Kaimonan  Festival” sa Maco sa “Cultural Festival Municipal Level Category.

Apan ang mas dakong award nga nakuha sa Maco ang sa kategoryang “Most Outstanding Tourism Officer of the Philippines” nga diin maoy gideklarang  2nd Runner-up Winner sa mga hurado ang Tourism Officer sa lungsod nga mao si Mr. Rodel Bautista.

Pormal nga gitunol ni Senior Tourism Officer Cristine Dompor ngadto kang Gov. Arturo T. Uy ug Provincial Administrator Virgilia S. Allones ang mokabat unom ka mga Pearl Awards nga nadag-an sa Probinsiya sa Compostela Valley.  (gilbert m. cabahug, ids-comval)