PANABO CITY, Davao del Norte (May 19)---- City Ang Local nga panggamhanan sa syudad sa panabo nagpahigayon usab ug libreng tuli nga gipahigayon sa Barangay Dalisay kaniadtong Mayo 14 ning kasamtangang tuig.
Kini ilawom sa medical and dental program ubos sa opisina ni Mayor Jose L. Silvosa, Sr. Ang tumong ug tinghuwa sa maong programa kay ang paghatag ug libreng medical nga serbisyo kung diin lakip niini ang operation tuli nga ginapahigayon matag Marso hangtod Mayo.
Kapin 30 ka batan-on nga mi edad ug nwebe hangtod dose anyos ang naka benepisyo sa maong libreng tuli. Inubanan ang maong mga batan-on sa ilang mga ginikanan aron dili mahadlok sa pagsugod sa operasyon.
Bago nagsugod sa operasyon, naghatag ug mensahe ang representante ni Mayor Silvosa nga si Exective Secretary Jovito Glodo. Gibutyag niya nga ang maong programa magpadayon ug paningkamotan nga maabot ang moang serbisyo sa kabarangayan.
Sa kasamtangan, gi report ni Mayor Silvosa sa iyang State of the City Address kaniadtong Abril 28, 2014 ang nabuhat sa medical and dental program kung diin ang mga lagyong barangay ug kapin 3, 726 ka mga pasyente gikan sa rural barangays. 3 ka medical mission sa urban city nga kapin 1, 296 ka mga pasyente nakabenepisyo. (By: Mark Anthony G. Gellor, CIO Panabo)
No comments:
Post a Comment