ni Noel Baguio
Pila na lang ka tuig ang antuson sa mga lumulupyo nga nagbaguod sa tumang kadaot sa daghang parte sa Asuncion, Davao del Norte – Laak Compostela Road sa dugay na nga panahon.
Kini human mipasalig si Pangulong Benigno Simeon Aquino III nga iya gayung humanon ang maong dalan, usa siya monaog sa iyang pwesto kapin upat ka tuig gikan karon.
Si 1st District Congressman Anthony del Rosario mibutyag nga personal nga miingon kaniya si Presidente Aquino nga iya jung tapuson ang proyekto usa mahuman ang iyang termino pagkapresidente.
“The president wants to see that road finished when he retires in 2016,” sulti ni del Rosario sa mga lokal nga opisyales, atul sa gipahigayon nga ika-tulong Davao del Norte Convergence for Peace and Development program sa Igangon, San Isidro, Davao del Norte.
Dugang ni del Rosario nga moabotay na ang P70 milyones alang sa dalan, dugang sa P95 million nga gihatag sa ulohan sa milabay nga tuig.
Ang ubang proyekto alang sa iyang distrito karong tuiga gikan sa nasyonal mao ang P38 million alang sa sugang daguitabnon sa mangitngit nga mga sityo, ug lakip usab niini ang laing milyones para sa tourism development projects. (DAVNOR-PIO)
No comments:
Post a Comment