DOE mihimo’g mga pagpangandam sa posibleng krisis sa koryente, matud sa Palasyo

Dako ang pagsalig sa Department of Energy (DOE), nga masulbad pa gihapon niini ang kakulang sa koryente.    
                                   
Kini, human sa gihimong mga pangandam sa maong buhatan alang sa umaabot nga krisis, bisan pa man nga wala ang gitawag nga “special power” o gahum nga gipangayo niini sa gobyerno.

 Matud pa ni Communications Secretary Herminio Coloma, Jr., atol sa usa ka press briefing sa Malacañang, nga ang DOE nagsugod na sa ilang mga pangandam gikan pa sa Agosto ug Septembre sa milabay nga tuig.

 “Atong gipaabot nga mas masayo unta ang paghatag sa “emergency powers” aron mas napalapdan pa ang mga kapilian nga mga opsyon,” matud pa ni Coloma.

 Karon, limitado ang mga opsyon, apan makita nato nga nakahimo pa gihapon ang DOE sa mga pangandam, pinaagi sa pakig koordinasyon sa pribadong sektor.

 “Apan daghan kanila ang mipahayag sa ila usab nga pagpangandam nga mahimong gamiton ang ilang mga kaugalingong mga generator,” dugang sulti ni Coloma. (PIA)