Dili pagpasulod sa mga produktong manok gikan sa California gi mando sa DA

Gi mando ni Department of Agriculture (DA) Secretary Proceso Alcala ang temporaryong pagsuspende sa pag-angkat og manok hasta ang ilang mga produkto sama sa poultry meat, day-old chicks, mga itlog ug semelya niini nga nagagikan sa California, USA.

 Sa usa ka pahayag, si Alcala nagbutyag nga ang temporaryong pag ban sa maong mga produkto gipaguwa aron mapanalipdan ang kahimsug sa local nga papolasyon sa manok ug kaluwasan sa pagkaon niini batok sa gitawag nga  Highly Pathogenic Avian Influenza (HPAI).

 Ang Animal and Plant Health Inspection Service sa US Department of Agriculture (USDA) mitahu ngadto sa Office of the International des Epizooties (OIE) nga dunay pagkuyanap sa HPAI virus didto sa Stanislaus County sa California.

 Ubos sa naasoy nga kamandoan, ang Kalihim mitumbok sa pipila ka mga emergency measures sama sa pag-suspenso sa processing, evaluation of application ug sa issuance of Sanitary and Phytosanitary (SPS) Import clearance;  pagpahunong ug pag-embargo sa mga kargamento gikan sa maong mga lugar, gawas sa mga heat-treated products. (etf/PIA)