PNoy gi mandong paspasan ang mga proyektong pabalay sa mga biktima sa bagyong Yolanda

Gi mando ni Presidente Benigno Aquino III ngadto sa mga may kalabot nga mga ahensiya sa gobyerno  nga dali-on ang mga proyektong pabalay alang sa mga biktima sa bagyong Yolanda.

Pinaagi sa Administrative Order 44, gi mando sa presidente ang pagpahapsay sa proseso sa pagkuha ug mga dokumento alang sa mga proyektong pabalay ug relokasyon ngadto sa mga lugar nga apektado sa bagyong Yolanda.

Sa usa ka pahayag kagahapong adlawa (Nobyembre 4), si Presidential Communications Operations Office Secretary Herminio Coloma, Jr. nagbutyag nga ang maong kamandoan ang gipaguwa aron mapa ubsan ang naandang kadugayon sa pag proseso sa mga dokumento. (Daily News Digest_11514)