Mga mag-uuma ug lubi sa mga probinsyang naigo sa bagyong Pablo nakadawat ug 155.80 milyones-pesos suporta gikan sa gobyerno

Magpadayon ang mga pagpaningkamot aron mapahauli ang mga lugar nga naapektuhan sa bagyong Pablo, kini human ang buhatan sa  Department of Budget and Management (DBM) ang nagpagula ug 155.8 milyones pesos nga pondo, para sa Philippine Coconut Authority (PCA) alang sa rehabilitasyon sa mga nadaot nga kalubihan diha sa mga probinsya sa Compostla Valley ug Davao oriental.

Gikuha gikan sa 2013 Supplemental Appropriations (RA 10634), ang maong pondo ang paga gamiton sa mga proyektong ubos sa programang livelihood cluster addressing crop production sa Department of Agriculture. Sa  155.8 milyones pesos nga pondong gipagula, 115.2 milyones niini ang paga gamiton sa pagtanum ug mga punoan sa lubi samtang ang 40.6 milyones pesos ang gamiton alang sa coconut fertilization.

“Ang rehabilitasyon human sa bagyong Pablo ang gikinahanglan pa sa mga probinsya sama sa Davao Oriental, hain dul-an 90-porsyento sa mga trabaho niini gikan sa pag uma ug lubi. Ang maong pondo dili lamang mo tabang sa mga mag-uuma aron mahi-ulian ang ilang panginabuhian kundili mo tabang usab nga ma-ulian ang ekonomiya sa maong rehiyon,” kini sumala ni Budget Secretary Florencio “Butch” Abad. (PCOO News_Nov. 5, 2014)