Compostela Valley Province – Maoy tubag sa
hinay-hinayng pagnihit sa makuhang isda diha sa mga kadagatan ang “Freshwater
Aquaculture, ug matud ni Gov. Arturo “Chiongkee” Uy nga hayag gyod ang
kaugmaon sa industriya sa Freshwater Fish labi na ang isdang “Pangasius”nga
maoy sagad gina “serve” sa mga Hotel ug High Class nga mga Restaurants.
Si Gov. Uy mihatag sa iyang inspiring message ngadto
sa mga Freshwater Aquaculture Stakeholders nga gilangkoban sa Fish Farm
Growers, Fish Hatchery Operators, Fish Food Processors atol sa gihimong
panagtapok diha sa kapitolyo alang sa usa ka adlawng Freshwater Aquaculture
Workshop nga gitabangan pagdumala sa Department of Trade and Industry(DTI); sa
Bureau of Fisheries and Aquatic Resources; ug sa liderato sa probinsiya sa
pagpanguna nila ni Gov. Uy, Vice Gov. Manuel “Way Kurat” Zamora, ug Senior
Board Member Tyron Uy. .
Ang usa ka adlawng panagtapok nahitabo niadtong
Nobyembre 4, 2014 ug maoy tumong niini nga mapalambo ang produksiyon sa mga
isdang Tilapia, Pantat o Hito, ug Pangasius nga maoy sagad ginapatubo sa mga
Freshwater Fish Farmers sa Comval.
Gitumong sa mensahe sa gobernador ang iyang makanunayong
pag-awhag sa DTI, sa BFAR, ug PAGRO nga mas pakusgon pa ang promotion sa
Freshwater Aquaculture alang sa seguridad sa panud-an kada adlaw sa matag
pamilyang Comvaleño ug mapalambo ang acceptability niini labi na sa
isdang pangasius nga makahatag ug dugang kita sa mga magpatubo niining
klaseha sa isda.
Facilitators sa usa ka adlawng panagtapok sila
Planning Head and Fishery Divsion Chief Ronald Sibayan sa PAGRO nga maoy
nagpaambit sa “Trends and Status of Freshwater Aquaculture Industry” sa probinsiya;
si OIC DTI Program Manager Atty. Lucky Siegfred Balleque nga maoy nagpaambit sa
“Pangasius Industry: Updates, Industry Performance for 2010-2013, and Industry
Strategic Framework Plan”; ug BFAR Research Outreach Station(ROS) Center Chief
Nelma Ayado sa “Updates on BFAR Support Program on Aquaculture.” (gilbert cabahug/ids
comval)
No comments:
Post a Comment