Gobyerno andam makig istorya sa mga mag-uuma ug lubi kalabot sa coco levy fund,matod sa opisyal sa malakanayang

Andam ang gobynero nga makig istorya uban sa mga mag uuma sa lubi kinsa gustong mabalik ang coco levy fund ngadto kanila human milabay ang pipila ka dekada, kini sumala sa usa ka opisyal sa malakanyang niadtong adlawng Martes.

Gikataho nga usa ka grupo sa mga mag uuma sa lubi gikan sa habagatang bahin sa Mindanao ang nagplanong mo adto sa malakanyang aron pangayoon sa gobyerno nga mabalik ang coco levy fund ngadto kanila.

Gi butyag ni Presidential Communications Operations Office Secretary Herminio “Sonny” Coloma, Jr. nga gi ila sa malakanyang ang katungod sa mga maguuma nga mopasibaw sa ilang reklamo kalabot sa coco levy fund, basta lang himuon kini sa usa ka malinawong paagi.

Ang mga mag uuma sa lubi ang dugay ng nakigbisog para sa hustisya sa pipila na ka dekada batok sa pugsanong pag buhis.

Ang coco levy fund ang gibana-banaang mitubo dul-an sa P100 billion ngadto sa P150 billion ang kinatibuk-ang kabtangan niini. (ETF_PCOO News)