Blue Ribbon imbestigahan ang alegasyong overpricing sa ICC project, sumala ni senador Guingona

Pormal nga paga imbestigahan sa Senate blue ribbon committee ang alegasyong ‘overpricing’ sa pagpatukod sa Iloilo Convention Center (ICC) ug ubang hisgutanan nga may kalabot niini, kini sumala sa chairman niini nga si senador Teofisto Guingona III kagahapong adlawa (Nobyembre 4).

Sa usa ka press statement, gi butyag ni Guingona nga ang maong komitiba ang mopasiugda sa pag imbestiga sa maong kontrbersya  nga usab tipik nga nasakop sa Senate Resolution No. 906 nga gipasang-at ni senador Miriam Defensor-Santiago, hinuon wala pay pihong petsa nga gikatakda. (Daily News Digest_11514)