by Grace Almedilla
COMPOSTELA VALLEY PROVINCE-----Mapasigarbuhon ang probinsya nga nidaug sa nagkalain-laing kategorya panahon sa gipahigayong Regional Festival of Talents sa Department of Education (DepEd) didto sa Panabo City niadtong Enero 30, 2014.
Sa usa ka awarding ceremony nga gipahigayon sa Kapitolyo sa pagpanguna ni Governor Arturo T. Uy niadtong Pebrero 3 atol sa employees’ convocation, gipresentar ni Dr. Grace D. Pontillas, Division Program Coordinator sa DepEd si Kim Patrick Saren, nga ubos sa Special Program for Arts (SPA) sa Nabunturan National Comprehensive High School, isip maoy Regional 1st Placer sa On The Spot Poster Making Contest in Araling Panlipunan category. Kauban ni Saren ang iyang Coach nga si Ms. Emily C. Bulaco gikan usab sa DepEd.
Matud ni Dr. Pontillas nga nag-excel usab ang probinsya sa ubang kategorya sa English, Science, Filipino, ug uban pa. Gani sa Pop Quiz, 1st Placer usab ang representante sa Mabini National High School nga si Liezel Cataylo.
Ang mga regional winners maoy morepresentar dili lamang sa probinsya kundi sa tibook Rehiyon XI ngadto sa Subic, Olongapo karong Abril 2014 para sa national competition. (grace almedilla, ids-comval)
No comments:
Post a Comment