Thursday, June 30, 2016

DavNor Ecozones daghang bentaha para sa negosyante

SAMTANG gisaulog sa Davao del Norte ang abunda ug dagayang ani pinaagi sa Kadagayaan Festival 2016, padayon kining nangdani ug mga mamuhunan nga magbutang sa ilang negosyo diha sa Anflo Industrial Estate sa Panabo City ug Hijo Estate Resources sa Tagum City.

Ang duha ka industrial estates sa Davao del Norte pulos aprobado sa Philippine Economic Zone Authority kun PEZA.
Sa gipahigayon nga Forum on Economic Zone/Corridor Development in Davao del Norte niadtong Myerkoles, Hunyo 29, gidetalye atubangan sa mitambong nga mga “locators” (negosyante) ang mga bentaha sa pagpahimutang sa ilang negosyo sulod mismo sa duha ka awtorisadong economic zones.

Ang Anflo Estate nga adunay halos 53 ektaryas nahimutang sa Panabo City nga duol gayod kaayo sa Davao International Container Terminal (200 metros) nga samang gipanag-iya sa Anflo Estate.

Matod sa Head, Ecozone Project/Vice President, Anflocor Subsidiary Damosa Land, Inc. Ricardo F. Lagdameo, ang lugar nga nahimutangan sa Anflo Industrial Estate haom gayod alang sa dali nga pagdala ngadto-nganhi sa mga serbisyo ug produkto.

Ang Panabo City haduol sa Davao City International Airport, Sasa Port ug agianan sa transportasyon sa bag-ong sementadong karsada padulong sa probinsya sa Bukidnon. Kung matuman na ang aprobado nga plano sa Regional Development Council nga Davao Bypass Road, mas pa gayod kini nga makahatag ug kasayon sa mga locators sa Anflo Estate.

20 kilometros padulong sa Norte mao ang Hijo Estate Resources sa Madaum, Tagum City. Susama sa Anflo Estate, nahimutang usab kini sa sentro nga agianan sa Davao-Bukidnon road gawas pa sa transportasyon nga gikan sa Caraga region, ComVal Province, Davao Oriental ug ubang dapit gikan sa Davao del Norte.

Matod ni Atty Princess Caludin O. Balino nga dili gayod maglisod ang mga “locators” nga magbutang sa ilang negosyo sulod sa Hijo Estate sanglit ang yuta nga nahimutangan sa maong economic zone usa lang ka pamilya ang nanag-iya gawas pa sa daghang mga bentaha tungod sa mauswagong dapit sa Tagum City diin kini nasakop.

Ang silingan nga Hijo International Ports Services seguradong maghatag sab ug dakong bentaha sanglit dali ra ang pagdala ngadto-nganhi sa mga produkto ug serbisyo gawas pa nga aduna kini giladmon nga 13 metros nga pantalan nga kaya dunggoan sa dagko nga mga barko.

Gawas sa nahisgutang bentaha tungod sa lokasyon, ang mga ‘locators’ segurado gayod nga makapahimulos sa daghan kaayong tax incentives nga gitugot sa PEZA gawas pa sa local tax incentives nga ihatag mismo sa Local Government Units sa Panabo ug Tagum City.

Ang Department of Trade and Industry Davao del Norte (DTI-DavNor) nga maoy nagpahigayon sa maong forum, andam usab nga motabang sa mga negosyante nga magbutang sa ilang negosyo sa duha ka mga Economic Zones. (pioDavNor)

4 comments:

  1. Hi

    Do you want to read more around this? A online college course can support to familiarize this even more.

    Best wishes,
    Oscar Reyes

    ReplyDelete
  2. Howdy

    Get some assistance for your site with WordPress theme development.

    Greetings!
    Ricky

    ReplyDelete